Бишкектин көчөлөрүн кардан тазалоо иштерин тийиштүү деңгээлде аткарбаган жооптуу жетекчилер тартиптик жазага тартылды. Бул тууралуу мэриядан билдиришти.
Маалыматка ылайык, калаа башчысы Айбек Жунушалиев карды тазалоого жооптуу шаардык кызматтардын ишинин жыйынтыгы боюнча тиешелүү чараларды көрдү.
Тийиштүү көзөмөл жүргүзбөгөндүгү жана ишти сапатсыз уюштургандыгы үчүн мэрдин орун басары Рамиз Алиев, Октябрь районунун акими Жаныбек Орозалиев, “Тазалык” муниципалдык ишканасынын директору Жолдош Чуштуков, Октябрь районунун участогунун башчысы тартиптик жаза алышты.
Белгиленгендей, калаа башчысы “Тазалык” ишканасынан алысырак жайгашкан райондордо карды убагында тазалоо жана инерттүү материалдарды ыкчам чачуу максатында, башка коммуналдык кызматтардын базасына “Тазалыктын” атайын техникасын берүүнү тапшырды.
Ошондой эле коммуналдык ишканалар жаңы техникалардын келишин эске алуу менен иштөө ыкмаларын жана иш алып барууларын өзгөртүү зарылдыгы эскертилди.
Бишкекте III Элдик курултай ишин аяктады. Резолюция кабыл алынды
Бишкектеги Токтогул Сатылганов атындагы Улуттук филармонияда эки күнгө созулган III Элдик курултайдын жыйынтыгы боюнча резолюция кабыл алынды. Эки күн ичинде курултайда 150 делегат сөз сүйлөп, сунуш-пикирлерин айтышты. Мындан тышкары, кагаз түрүндө 2 миңден ашык кайрылуулар келип түштү. Курултайдын делегаттары инфраструктураны өнүктүрүү, суу менен камсыздоону жакшыртуу, айыл чарбасын жана ишкердикти колдоо, […]
