Англиянын тышкы иштер министри Давид Камерон Кыргызстанга келет. Ал президент менен жолугушуу учурунда коррупция менен күрөшүү, коопсуздук боюнча кызматташтык жөнүндө сүйлөшөт. “Борбордук Азия мамлекеттери санкциядан кыйгап өтүү аракетин көрбөшү керек”,- деген Камерон соода инвестиция жана билим берүү тармагы, аялдардын жана балдардын билим алуусуна өзгөчө көңүл буруу маселелерин да кошо талкуулайт.
Эскерте кетсек, Давид Камерон Улуу Британия жана Борбордук Азиядагы өлкөлөр менен кызматташтыкты жаңы баскычка көтөрүү аракетин көздөп, Монголияны камтыган саясий саякатка аттанды.
Вейптерге тыюу салынды
Казакстандын президенти Касым-Жомарт Токаев вейптерди ташып келүүгө, өндүрүүгө жана сатууга тыюу салган мыйзамга өзгөртүүлөрдү киргизүүгө кол койгонун Акорда сайты билдирди. Өлкөдө мындай аракеттер үчүн кылмыш жоопкерчилиги каралат. Мындай каражаттарды саткандар 1,6 миң доллар айыпка жыгылат же 50 күнгө чейин камакка алынат. Электрондук керектөө тутумдарын ташып келүү жана өндүрүүгө 16,5 миң […]
