Бүгүн, 11-октябрда Улуттук гвардиянын жоокерлери катуу шамалдын кесепетинен «Ала Тоо» аянтындагы мамлекеттик тууну түшүрүштү. Бул тууралуу мэриянын басма сөз кызматы билдирди.
Маалыматка ылайык, 2023-жылдын 4-августундагы Министрлер Кабинетинин токтому боюнча флагштокко орнотулган туу айрылып же ага зыян келтирилсе (катуу шамал, жаан же флагштокту оңдоо иштери болсо), мындай учурда туу түшүрүлөт.
Катуу шамал токтогон соң, туу кайра көтөрүлөт.
Эске салсак, буга чейин ӨКМ катуу шамал болору тууралуу эскерткен.
