Бишкекте 31-августта Эгемендүүлүктүн 33 жылдыгына жана Кара-Кыргыз автономиялуу облусунун түзүлгөндүгүнүн 100 жылдык мааракесине арналган майрамдык иш-чаралар өткөрүлөт. Бул тууралуу Ички иштер министрлигинен билдиришти.
Маалыматка ылайык, 30-август күнү майрамдык даярдыктарга байланыштуу Чыңгыз Айтматов проспектисинде автоунаалардын кыймылына маал-маалы менен убактылуу чектөөлөр коюлат.
Ал эми 31-августта Жибек-Жолу, Манас проспектилеринин, Жусуп Абдрахманов жана Киев көчөлөрүнүн айрым бөлүктөрүндө да унааларга чектөөлөр киргизилет.
