18-майда Бишкекте музейлердин эл аралык күнү белгиленет. Бул тууралуу мэриянын басма сөз кызматы билдирди.
Маалыматка ылайык, бул күнгө карата бир катар иш-чаралар уюштурулат.
Саат 09:00дөн 22:00гө чейин:
-Исхак Раззаковдун үй-музейи (Чуйков көч., 90),
-Сүймөнкул Чокморовдун музей-өнөрканасы (Токтогул көчөсү, 170),
Токтогул Сатылганов атындагы адабият музейинде (Токтогул көчөсү, 109) ачык эшиктер күнү өтөт.
Саат 15:00дөн 22:00гө чейин О.М.Мануйлованын мемориалдык үй-музейинде (Тыныстанова көч., 108) ылайдан портрет жасоо боюнча мастер-класстар уюштурулат.
Саат 15:00дөн 22:00гө чейин С.А.Чуйковдун мемориалдык үй-музейинде (Чуйков көч., 87а) сүрөтчү В.Ф.Руппел заманбап искусство боюнча жана Салкынай Адышева макраме, жип боюнча мастер-класстарды өткөрүшөт.
Ушул эле убакытта А.Токомбаевдин мемориалдык үй-музейинде (Чуйков көч.) жана Г.Айтиевдин музей-өнөрканасында (Тыныстанов көч., 78) иш-чаралар уюштурулат.
