Бишкек шаарынын Ч.Айтматов проспектисиндеги кооптулуулук жараткан 1600 түп терек кыйылат. Бул тууралуу Бишкек шаарынын мэри Айбек Жунушалиев журналсттерге билдирди.
Анын айтымында, изилдөөнүн жыйынтыгында 1400 түп коопту экени аныкталган. Теректерди кыюу этап-этап менен жүргүзүлүп, биринчи этапта 200 бак кыйылат.
“Жалпысынан Айтматов проспектисинин боюнда 1400 терек бар. Биринчи этапта 200 түп теректи кыюу пландалууда. Изилдөөнүн алкагында теректин жашоо мөөнөтү 40-45 жыл деп белгиленген. Бул теректер 1972-1975-жылдары тигилген. Мөөнөтү бүттү, алар кооптуу. Экинчиден, алар туруксуз. Ишти башташыбыз керек. Жашыл шаар статусун сактап калуу зарыл. Теректин ордуна биздин климатка ылайыкташкан жазы жалбырактуу дарактарды отургузуу боюнча сунуштарды алдык. Бул иш-чара шаар үчүн маанилүү. Биз теректерди кыюу менен гана алектенбейбиз. Мындан сырткары, газондорду жана бадалдарды жаңылайбыз. Долбоорго чуркоо жана велоспорт жолдору да кирет”, – деди мэр.
Арашандагы маданият үйү мамлекеттин менчигине өттү
Чүй облусунун Аламүдүн районундагы Арашан айылындагы маданият үйү мамлекеттин менчигине кайтарылды. Бул туууралуу Улуттук коопсуздук мамлекеттик комитетинен билдиришти. Атайын кызмат тарабынан кайтарылган маданият үйүнүн жалпы аянты 0,62 га, болжолдуу баасы 126 млн сомду түзөт. Ыкчам иш-чаралардын жүрүшүндө 2004-жылы социалдык жана муниципалдык объектилерди мөөнөтсүз пайдаланууга берүүгө тыюу салган ченемдик-укуктук актыларга карабастан, […]
