10-октябрдагы атышуудан жаракат алгандар учурда жандандыруу бөлүмүндө. Бул тууралуу саламаттык сактоо министри Алымкадыр Бейшеналиев билдирди.
Анын айтымында, жаракат алгандарга операция жасалган.
Ал эми жаракат алган С.Э. Клиникалык тез жардам ооруканасынын жандандыруу бөлүмүндө жатат, операциядан кийинки абалы оор бойдон калууда. Диагнозу: санына ок тийген.
Экинчи бейтап Улуттук хирургия борборунун реанимация бөлүмүндө жатат, операциядан кийинки абалы туруктуу жана оор. Диагнозу: көкүрөк жана ич көңдөй жарааты.
Эске сала кетсек, 10-октябрда 7-кичи райондогу бокс залында атышуу болгон. Андан бир киши каза таап, экөө жаракат алган. ИИМдин маалыматында ок эки өнөктөштүн ортосундагы чырдан кийин атылган.
Бул фактынын негизинде Бишкек шаарынын Октябрь райондук ички иштер башкармалыгынын тергөө кызматы тарабынан КР Кылмыш-жаза кодексинин 122-беренеси (адам өлтүрүү) боюнча кылмыш иши козголду.
