Бишкектеги «Ала-Тоо» аянтында өзгөчө фонтандар пайда болот. Бул тууралуу шаардык мэриядан билдиришти.
Маалыматка ылайык, учурда фонтандарды реконструкциялоо иштери жүрүүдө. Эскиздик долбоор боюнча аянтта өзгөчө музыканын коштоосундагы оргуштаган фонтандар курулат.
“Аянтта учурда эски фонтандар демонтаждалып, жаңы фонтандарды орнотууга даярдык көрүлүүдө. Ошондой эле аянттагы брусчаткалар алынып, гранит таштары басылат”, — деп белгиледи Бишкек шаарынын мэринин орун басары Азамат Кадыров.
Эске салсак, жүргүзүлүп жаткан иштер шаардыктар жана келген туристтер үчүн ыңгайлуу шарттарды түзүү максатын көздөйт.
Кыргызстандык окуучулар Авиценна олимпиадасында 7 медаль жеңип алышты
Кыргызстандык окуучулар Авиценна атындагы (AIBO) биология боюнча эл аралык олимпиадада 7 медаль жеңип алышты. Бул тууралуу Билим берүү жана илим министрлигинен билдиришти. Маалыматка ылайык, анын ичинен экөө күмүш медаль жана бешөө коло медаль. Күмүш медаль ээлери: Данияр Гаипов, Ч.Айтматов атындагы Бишкек лицейинин окуучусу; Байзак Карыпжанов, “Манас Ата” Талас лицейинин окуучусу; […]
