Көптөгөн талаш – тартыштардан кийин Билим берүү жана илим министрлигин Догдургүл Кендирбаева жетектемек болгонун өздүк булактарыбызга билдиришти. Ал билим берүү министринин орун басары, кеңешчиси кызматтарын аркалап, кийинчерээк «Роза Отунбаеванын демилгелери» эл аралык фондунун аткаруучу директорлугуна дайындалган. Өлкөнүн билим берүү тармагын өркүндөтүүгө жана балдарды тарбиялоого байланышкан эмгектери жарык көргөн.
Догдургүл айымдын министрлик кызматка дайындалышы аталган тармактын өнүгүшүн шарттайт деген пикирлер айтылууда. Айтор, жаңы министр орун басарларын алмаштыра бербей иштетип, мугалимдер чөйрөсүнө үмүт берсе деген тилек.
