Супаналиев Бекжан Төрөбаевич Кыргыз Республикасынын Билим берүү жана илим министринин жаңы орун басары болуп дайындалды. Бул тууралуу ведомствонун басма сөз кызматынан кабарлашты.
Маалыматка ылайык, жаңы орун басарын эмгек жамаатына билим берүү жана илим министри Каныбек Иманалиев тааныштырган.
Супаналиев Бекжан Төрөбаевич 1977-жылы 11-июлда Токмок шаарында туулган. Жогорку билими бар. 2000-жылы Беларусь мамлекеттик университетинин башкаруу жана социология факультетинин саясат таануу бөлүмүн аяктаган. 2014-жылы Мэйдзи университетин бүтүргөн – мамлекеттик башкаруу магистри.
Эмгек ишмердүүлүгү:
02.08–08.12.2000 – Бишкек шаарынын мэриясынын алдындагы Республикалык “Жаштык” жаштар борборунун директорунун орун басары.
15.01.2001 – 05.04.2004 – Кыргыз Республикасынын Президентинин Администрациясы, Кыргыз Республикасынын Президентинин Басма сөз кызматы, референт.
05.04.2004 – 31.12.2010 – Кыргыз Республикасынын коомчулукту өнүктүрүү жана инвестициялоо агенттиги (АРИС):
айылдык инвестициялык долбоордун Түндүк аймактык кеңсесинин (Чүй, Талас, Нарын, Ысык-Көл облустары) социалдык мобилизациялоо жана потенциалды өнүктүрүү боюнча координатору;
жайыттарды туруктуу башкаруу боюнча пилоттук долбоордун координатору;
Бишкек жана Ош шаарларынын шаардык инфраструктурасынын долбоору боюнча оперативдүү колдонмону иштеп чыгуу боюнча консультант;
“Айылды суу менен камсыздоо жана санитария – 2” долбоору боюнча оперативдүү колдонмону иштеп чыгуу боюнча консультант;
Бишкек жана Ош шаарларындагы шаардык инфраструктура долбоорунун координатору.
01.03.2011 – 15.01.2012 – Кыргыз Республикасынын Өкмөтүнүн Аппаратынын аймактык өнүктүрүү жана мониторинг бөлүмүнүн башчысынын орун басары.
15.01.2012 – 10.10.2014 – Кыргыз Республикасынын Өкмөтүнүн Аппаратынын уюштуруу-инспектордук иштер жана жергиликтүү өз алдынча башкаруу бөлүмүнүн жергиликтүү өз алдынча башкаруу секторунун эксперти.
10.10.2014 – 10.10.2015 – Кыргыз Республикасынын Өкмөтүнүн Аппаратынын Аймактык өнүктүрүү, транспорт, курулуш жана коммуникациялар бөлүмүнүн эксперти.
10.01.2015 – 04.05.2016 – Кыргыз Республикасынын Өкмөтүнүн Аппаратынын уюштуруу-инспектордук иштер жана жергиликтүү өз алдынча башкаруу бөлүмүнүн инспектору.
11.04.2016 – 14.02.2017 – Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнүн башчысы.
2017-жылдын 14-февралынан тарта Кыргыз Республикасынын Президентинин Аппаратынын социалдык өнүктүрүү, тарых жана маданият бөлүмүнүн башчысы.
2022-жылы сынактын жыйынтыгы менен Бишкек шаарындагы Green Finance Center компаниясынын директору болуп дайындалган.
