Украина коргонууда туруп, согушта жеңе албайт. Бул тууралуу Украина Куралдуу күчтөрүнүн башкы командачысы Александр Сырский «Страна.ua» басылмасына билдирген.
«Биз коргонууда турууга жана өз күчтөрүбүздү топтоого, фронттун бул сызыгын кармап турууга мажбурбуз»,-деди Сырский телемарафондун эфиринде.
Ошондой эле ал Украинанын «Орешник» ракетасынан коргонуу үчүн каражаттары жок экенин айтты.
Куралдуу күчтөрдө мындай системалар барбы деген суроого башкы командачы «Тилекке каршы, азырынча андай системаларыбыз жок, бирок, биз аларды камсыздоо үчүн бардык күчүбүздү жумшашыбыз керек»,-деп жооп берди.
Салык кызматынын түзүмүндө олуттуу өзгөрүүлөр болду. Эмнелер жоюлду?
Бүгүн, 20-январда Мамлекеттик салык кызматынын төрагасы Алмамбет Шыкмаматов ведомствонун борбордук аппаратынын жаңы түзүмүн бекитти. Бул тууралуу ведомствонун аппараттык жыйынында белгилүү болду. Эми борбордук аппараттын текшерүү башкармалыгынын функциясы кыскарды. Кайра уюштурууга чейин бул башкармалык негизинен буга чейин иштин мындай абалына нааразы болуп келген ири бизнеске карата көчмө текшерүүлөрдү жүргүзүп келген. Салык […]
