Евробиримдик менен АКШ 2024-жылдын башында каржылык жардам көрсөтпөсө, Украина миллиондогон жарандарына мамлекеттик кызматкерлердин маянасын жана пенсиясын төлөөнү кечеңдетүүгө аргасыз болот. Бул тууралуу Украинанын экономика министри Юлия Свириденко Financial Times гезитине берген маегинде билдирди.
Анын айтымында, Киев 500 миң мамлекеттик кызматкердин жана 1,4 миллион мугалимдин маяналарын төлөөнү, 10 миллион пенсионердин пенсиясын кечеңдетүүгө аргасыз болот.
Свириденко Евробиримдик Украинага каржылык жардамдын кезектеги пакетин февраль айында бекитип, марттын аягына чейин каражат берет деген үмүтүн билдирди. Бирок, ал белгилегендей, бул дагы эле жетишсиз болот.
