Баткен районунун Ак-Татыр жана Самаркандек айылдарындагы селден кийинки калыбына келтирүү иштери толугу менен бүткөрүлдү. Бул тууралуу Өзгөчө кырдаалдар министрлигинен билдиришти.
Маалыматта белгиленгендей, ӨКМден тартылган 131 куткаруучу жана Жарандык коргонуу кызматтары жергиликтүү жашоочулардын катышуусунда турак үйлөргө, жертөлө жана сарайга кирген сел калдыктары тазаланды.
Жергиликтүү эл калыбына келтирүү иштеринин ыкчам бүткөрүлдүгү үчүн куткаруучуларга өз ыраазычылыгын айтышты.
Ал эми аталган аймактарда инженердик техникалардын жардамы менен сел өткөрүүчү сайдын нугун тазалоо жана кеңейтүү иштери жүргүзүлүп жатат.
Эске салсак, 10-июлда жааган нөшөрлүү жаандан Баткен районунун Ак-Татыр жана Самаркандек айылдарында сел келип, түнү бою кооптуу тилкеде жашаган жарандар эвакуацияланган болчу.
Улуттук банк валюта рыногунан 34,3 млн доллар сатып алды
Кыргызстандын Улуттук банкы валюта рыногунда долларды сатып алуу боюнча кезектеги интервенция жасады. 11-июлда жөнгө салуучу орган 34,3 миллион доллар сатып алган. Операция тууралуу маалымат банктын расмий сайтында жайгаштырылган. Анын ичинен 17,5 миллион доллары бүтүм түзүлгөн күндөгү эсептешүүлөр менен, дагы 16,8 миллион доллары бүтүм түзүлгөн күндөн башка эсептешүүлөр менен болду. Жөнгө […]
