Израилдин коргоо министри Бенни Ганц Рамазан айы башталганга чейин ХАМАС тарабынан барымтага алынгандар кайтарылбаса, Израил күчтөрү Рафахтагы аскердик операцияларын кеңейтерин билдирди. “Биз муну координацияланган түрдө жасайбыз, америкалык жана египеттик өнөктөштөрүбүз менен сүйлөшүүдө жарандардын эвакуацияланышына көмөктөшөбүз. ХАМАСтын тандоосу бар. Алар багынып беришсе барымтадагыларды бошотуп, Газанын жарандары ыйык Рамазан майрамын белгилей алышат”,-деди ал. Рамазан айы 10 же 11-мартта башталары күтүлүүдө.
Айыл чарбасында каржылык мыйзам бузуулар аныкталды
Эсептөө палатасынын маалыматында айтылгандай, Айыл чарба министрлигинде жана анын түзүмдүк, аймактык бөлүмдөрүндө каржылык мыйзам бузуулар аныкталган. 2021-2022-жылдарга каржылык сарптоолору боюнча жүргүзүлгөн аудиттин жыйынтыгы боюнча министрлик 472 млн 357 миң 200 сомдук мыйзам бузуу жолу менен сарптаган. Бузуулар төмөндөгүдөй багытта болгон: каражат сарптоодогу бузуулар жана кем чыгуулар – 60 млн 147 […]
