Каталониялык “Барселона” футболдук клубу 2022/2023-жылкы сезондо 27-жолу Испаниянын чемпиону болду.
34-турда каталониялык клуб «Эспаньолду» утуп алышты. Беттешүү 4:2 эсебинде меймандардын пайдасына аяктады. Жеңиш командага турнирдик таблицада 85 упай топтоп, мөөнөтүнөн мурда баш байгени жеңип алууга мүмкүндүк берди.
Белгилей кетсек, “Барселона” Испания чемпиондугун 27-ирет жеңип алды. Каталондуктар 2018/2019 сезонунан бери турнирди жеңе элек болчу. Трофейлердин саны боюнча каталондук клуб “Реал Мадридден” (35 жеңиш) гана артта калды.
