Жалал-Абадда Бангладештин жарандары чек араны мыйзамсыз кесип өтүүгө аракет кылган. Бул тууралуу Улуттук коопсуздук мамлекеттик комитети билдирди.
Маалыматка ылайык, 25-июнда Жалал-Абад облусунун ички иштер башкармалыгынын жана УКМКнын Чек ара кызматынын кызматкерлери менен биргеликте жүргүзүлгөн ыкчам-издөө иш-чараларынын натыйжасында Бангладештин 11 жараны Өзбекстандан Кыргызстанга чек араны мыйзамсыз кесип өткөн учурда кармалды.
Белгиленгендей, 8-июнда Бангладештин жарандары Өзбекстанга иштөө максатында келишкен, бирок жумуш таппай, белгиленген мамлекеттик чек ара бекеттерин айланып өтүү менен Кыргызстандын аймагына өтүүнү чечкен. Бангладештин жарандары менен биргеликте мыйзамсыз миграциялык канал уюштурган Кыргызстандын Н.А.И. аттуу жараны кармалды.
Учурда мыйзамсыз миграциялык каналды уюштурууга тиешеси бар башка адамдарды аныктоо боюнча ыкчам-иликтөө иш-чаралары жүргүзүлүүдө.
Ошто жаңы автобустар каттамга чыгат
Эртең, 4-июлда Өзбекстан-Кыргыз өнүктүрүү фондунун колдоосу менен сатылып алынган Isuzu Saz Le 60 үлгүсүндөгү жаңы автобустар Ош шаарындагы No43 жаңы линияга чыгат. Бул тууралуу түштүк борбордун мэриясы социалдык тармактарга билдирди. Бул линия 143-маршруттук таксини алмаштырат. Кийинки аптада автобустар аэропорт – Касымбекова – Раззакова – Масалиев – Тилеке Баатыр – Исанов […]
