Туризм жана спорт министрлиги Мамлекеттик желекти, мамлекеттик гербди жана алардын сүрөттөрүн колдонуу, орнотуу, жайгаштыруу эрежелерине өзгөртүүлөрдү жана толуктоолорду киргизүү боюнча өкмөттүн токтомунун долбоорун даярдады. Тиешелүү документ «Ачык юридикалык жактар» порталында жайгаштырылган жана 27-сентябрга чейин коомдук талкууга коюлат.
Жаңы эрежелерде желек жеке адамдарга таандык имараттарга жана жайларга, анын ичинде балкондорго орнотууга жол берилет. Бирок эңкейиши 45 градустан ашпаган абалда жана 3 метрден кем эмес бийиктикте болушу керек.
Жаңыланган документте мамлекеттик символго карата кыжырданууну түзгөн фактыларды аныктаган пункттар да камтылган. Бул тизмеге физикалык зыян келтирүү же тууну айрып, өрттөп, атайылап жерге ыргытуу, тебелеп-тепсөө, таштандыга ыргытууга тыюу салынат.
Кыргызстанда сүт өндүрүү 2,2%га өстү
Кыргызстанда сүт өндүрүү 2,2%га өстү. Бул тууралуу Айыл чарба министрлигинен билдиришти. Маалыматка ылайык, 2023-жылдын 1-сентябрына карата республикада 1207,6 миң тонна сүт өндүрүлгөн. “Бул өткөн жылдын ушул мезгили менен салыштырмалуу 26,4 миң тоннага же 2,2 пайызга сүт көбүрөөк өндүрүлгөнүн көрсөтөт”, – деп айтылат маалыматта. Бөлүшүү:
