Бүгүн, 15-декабрда Бишкектеги Токтогул Сатылганов атындагы улуттук филармонияда экинчи Элдик курултай өтүп жатат. Күндүн экинчи жарамында жарыш сөзгө чыккан Токтогулдан келген делегат Байдылдаев Жеңиш аял затынын кадыры тууралуу катуу кайрылуу жасады.
“Урматтуу мырзалар! Ар бир үйдө туу жок, бирок ар бир үйдө аял заты бар. Тууну алмашат десе миңдеген эркектер каршы чыгышты. Бирок туудан да маанилүү нерсе бар. Мурда орус басылмалары “Эң арзан жеңил ойлуу кыздар кыргыздыкы, аборт боюнча да кыргыз кыздары алдыда”, -деп жазып чыгышты. Ошондо да тууга каршы чыккандай араңардан белдүү эркектер чыккан жок. Биз эркектик вазыйпабыздан тарткандыгыбыз үчүн бүгүн миңдеген кыздарыбыз мигрант болуп отурат. Алардын арасында кордук-зомбулук көргөндөр бар. Денесин сатууга мажбур болгондор бар. Мунун баары сиз менен биздин алсыздыгыбыз. Эч качан кыргыз кызынын кадыры бүгүнкү күндөгүдөй төмөн түшкөн эмес”. –деди
