Эркек менен аялдын эс тутумунун айырмачылыктары тууралуу психолог айтып берди.
Анда эркектер маалыматтын маңызын, ал эми аялдар майда-чүйдөсүнө чейин эстейт деген пикирлер бар. Бирок, көп сандаган эксперименталдык изилдөөлөр боюнча, жыныстар ортосундагы эстутумда эч кандай ишенимдүү олуттуу айырмачылыктар табылган эмес. Эркектерде мейкиндик эс тутуму жакшыраак, ал эми аялдарда сенсордук эс тутум жакшыраак өнүккөн деп эсептелгенин адис белгиледи.
Мейкиндик эс тутуму адамга рельефти жакшы эстеп, аны багыттоого мүмкүндүк берет. Ошондой эле анын жардамы менен биз тааныш жүздөрдү тааныйбыз, кийимдерди туура кийүүнү жана топчуларды кантип бекиткенди билебиз, буюмдарды өз ордуна кайтарабыз. Сенсордук эс тутуму аялдарга көбүрөөк мүнөздүү жана башынан өткөн эмоциялардан улам калыптанат.
– Бул эс-тутумда сакталган эскерүүлөр адамдын кыймыл-аракетинде жана учурдагы окуяларды чечмелөөдө жол көрсөтүүчү катары кызмат кыла алат. Ошентип, бойго жеткенде биз тиш доктурларынан качабыз, анткени бала кезибизде алардан абдан коркчубуз. Же өткөн жолу сапаты жакпай калса, кайра сатып алуудан баш тартабыз», – дейт психолог.
