21-июнда Армениянын Улуттук жыйынында өлкөнүн Евробиримдикке мүчөлүгү боюнча референдум өткөрүү жөнүндө угуулар өтөт. Демилге жарандык коомдун өкүлдөрүнөн жана «Демократиялык күчтөр платформасынан» түшкөн. Комиссиянын жетекчиси Арман Егоян жана комиссия мүчөлөрү бул демилгени колдошту. Армениянын ТИМ башчысы Арарат Мирзоян акыркы жылдардагы кыйынчылыктардан улам Евробиримдикке мүчөлүк активдүү талкууланып жатканын билдирди.
БРИКС 2024: Кыргызстандын жеңил атлетика курамасы 3-орунду ээледи
Кыргызстандын жеңил атлетика боюнча курама командасы Татарстандын Казань шаарында өтүп жаткан БРИКС эл аралык спорттук оюндарында 3-орунду ээледи. Бул тууралуу Дене тарбия жана спорт департаментинен билдиришти. Маалыматка ылайык, улуттук курама командасынын мүчөлөрү Иван Курицин, Майсал Мукумбек уулу, Мусулман Жоламанов жана Руслан Литовский аталган оюндарда 4х400 м аралыкка чуркап, 3-орунду ээлешти. […]
