Бул ирет Азирети Усмандын насааттарын сунуштайбыз:
1. Дүйнө үчүн кайгыруу – жүрөккө караңгы, акырет үчүн кайгыруу – жүрөккө нур.
2. Заманды салыштырбаган тагдырларды тааный албайт жана келечек күндөрдүн эмне убада кылганын да биле албайт.
3. Эң чоң жоготуу – акырет сапары үчүн азык камдалбаган узун өмүр.
4. Бүткүл иштер Аллахтын буйругу менен болгонун билсе да, колунан чыгарып ийгендиги үчүн капалангандарга таң калам.
5. Кылган күнөөлөрүңөрдү кандай жашырсаңар, кылган жакшылыктарыңарды да ошондой жашыргыла.
6. Албетте, дүйнө убактылуу. Акырет болсо түбөлүктүү. Убактылуу болгон силерди кутуртуп, азгырбасын, түбөлүктүү болгонго тоскоол болбосун. Силер убактылууну эмес, түбөлүктүүнү тандагыла.
7. Аллах насип кылбаган нерсени кыялдантпайт.
8. Такыбаалык – Аллахтын азабына карата калкан жана Анын ыраазычылыгына жетүү үчүн арачы.
9. Эгер жүрөгүңөр чын эле таза болгондо, Куран окуганга тоймок эмессиңер.
Цитаталар “Төрт хадифадан насаат” китебинен алынды
