Түркиянын ички иштер министри Али Йерликая Анкарада болгон террордук чабуулдун аткаруучуларынын биринин өздүгү аныкталганын билдирди. Анын аты Али Орек, каймана аты Ройгер. Ал Күрд жумушчу партиясынын мүчөсү экени аныкталды. Министр ошондой эле чабуулга катышкан аялды да аныктоо иштери уланып жатканын кошумчалады.
23-октябрда Анкаранын Кахраманказан районундагы TUSAŞ авиазаводунун имараттын жанында жарылуу болуп, андан кийин куралчан жоочулар өтмөктөн кирип кетишкен. Алардын чабуулунан беш адам каза таап, 22 адам жаракат алган. Түркиянын Ички иштер министрлиги эки террористтин жок кылынганын кабарлады.
Түркиянын президенти Режеп Тайып Эрдоган террордук коркунучтарга каршы күрөш улантыла турганын убада кылды.
