Сенаттагы демократиялык көпчүлүктүн лидери Чак Шумер башчылык кылган америкалык сенаторлордун эки партиялуу делегациясы Кытайга барат. Программада төрага Си Цзиньпин жана башка кытай лидерлери менен жолугушуулар бар. Мыйзам чыгаруучулардын сапары ноябрда Сан-Францискодо өтө турган Азия-Тынч океан Экономикалык Кызматташтык уюмунун (АТЭС) саммитинин алкагында АКШ менен Кытайдын лидерлеринин жолугушуусуна мүмкүнчүлүк болот.
Вашингтон бул окуяга Пекин менен мамилени жөнгө салууга өзгөчө үмүт артат.
Сан-Францискодогу АТЭС саммитинин кожоюну, АКШнын президенти Жо Байден Кытайдын төрагасы Си Цзиньпин менен жолугушууну жокко чыгарбасын билдирген. «Мындай жолугушуу пландаштырылган эмес, бирок болушу мүмкүн»,-деди ал журналисттерге.
Чак Шумер баштаган алты америкалык сенатордун Кытайга сапары АКШ-Кытай мамилелеринин чыңалуусу болгон учурга туш келди.
Шейшембиге караган түнү белгисиз адам Кытайдын Сан-Францискодогу башкы консулдугунун имаратын сүзүп, кызматкерлердин өмүрүнө олуттуу коркунуч келтирди.
Окуяда Хонда үлгүсүндөгү унаа Кытайдын башкы консулдугунун виза бөлүмүнө катуу ылдамдыкта келген. Кытай дипломатиялык мекемелерин жана алардын кызматкерлеринин коопсуздугун камсыз кылуу үчүн тез арада иликтөө жүргүзүүгө, натыйжалуу чараларды көрүүгө чакырды.
