Саламаттык сактоо министри Алымкадыр Бейшеналиев соцтармакка жайылып жаткан “Бейшеналиевдин унаалары” деген маалыматты четке какты.Бул тууралуу министрликтин маалымат кызматы кабарлады.
Маалыматка ылайык, министр тарап жаткан маалыматтар чындыкка дал келбей турганын белгилеген.
«Депутат Жусупбек Коргонбай уулу туура эмес маалымат таратып жатат. Ал берген маалыматтар бир катар интернет булактарына жайылып, “Алымкадыр Бейшеналиевдин көп унаасы бар экен” деп талкуулап жатышат. Маалыматта Кульматова Гүлнара Ренатовна Бейшеналиевдин жубайы, ага көп машинелер катталган дептир. Гүлнара Ренатовна менин аялым эмес. Маркум Кульматов Ренатты менин кайнатам дешиптир, бул дагы жалган. Менин аялым Кульматова Замира Марленовна. Анын 2002-жылы чыгарылган Lexus RX 300 унаасы бар. Менин кызым Бейшеналиева Салтанат Алымкадыровна. Ага катталган машина 2008-жылы чыгарылган Honda Аccord. Эл өкүлү жалган маалымат таратууну улантып, башка эле адамды менин жубайым кылып салганы абдан осол иш. Ал эми жубайым Замира Марленовна эки жыл болуп калды, рак илдетине чалдыгып, Түркияда 9 ай дарыланганын мурда дагы айттым эле. Учурда Орусияда химия алып жатат. Интернетте тарап жаткан жалган маалыматтар оорулуу адамга абдан терс таасирин тийгизет экен. Такталбаган маалымат менен каралоо кылып жаткандарды ушак таратууда тактап коюуга чакырат элем», — деди ал.
Эске салсак, буга чейин социалдык тармактарда Бейшеналиевге катталган кымбат баалуу унаалар деген маалымат жарыяланган.
Ош шаарында айт намазы борбордук аянтта окулат
Орозо айт намазы 10-апрелде Ош шаарындагы борбордук аянтта окулат. Бул тууралуу Ош мэриясынан билдиришти. Маалыматка ылайык, айт намаз таңкы саат 07:30да башталат. Белгилей кетсек, Кыргызстанда 10-апрелде Орозо айт майрамы белгиленет. Ислам шариятында Рамазан айынын башталуусу жана аяктоосу айдын жаңырышына карап аныкталат. Рамазан айы кээде 30 же 29 күн болот. Бөлүшүү:
