Улуттук китепканада кыргыздын улуу акыны Алыкул Осмоновдун “Замандан заманга” аттуу азербайжан тилиндеги китебинин бет ачары болуп өттү.Бул тууралуу Маданият, маалымат, спорт жана жаштар саясаты министрлигинен билдиришти.
Маалыматка ылайык, китепти белгилүү азербайжан жазуучусу жана манасчы Адиль Жамиль которуп, кыргыз адабиятынын маданий жана поэтикалык баалуулуктарын азербайжан окурмандарына жеткирүүгө шарт түздү. Иш-чарада министрдин орун басары Гүлбара Абдыкалыкова белгилегендей, улуттук акындардын чыгармаларын которуу элдердин ортосундагы маданий баалуулуктарды жайылтууга жана улуттун маданиятынын өзгөчөлүгүн тереңирээк түшүнүүгө мүмкүнчүлүк түзөт.
Мындан сырткары, министрдин орун басары китепти которгон азербайжан жазуучусу жана манасчы Адиль Жамилге министрликтин “Маданияттын мыкты кызматкери” төш белгисин тапшырды.
КР Укук бузуулар жөнүндө кодексине өзгөртүүлөр киргизилди
Президент Садыр Жапаров “КР Укук бузуулар жөнүндө кодексине өзгөртүүлөрдү киргизүү тууралуу” КР мыйзамына кол койду. Мыйзам 2024-жылдын 2-октябрында Жогорку Кеңеш тарабынан кабыл алынган. Мыйзамдын максаты – жумуш берүүчү жана кооптуу өндүрүш объекттерин пайдалануучу уюмдар тарабынан кызматкердин алдындагы жоопкерчиликти камсыздандыруу боюнча милдеттерди аткарбагандыгы үчүн жоопкерчиликти киргизүү болуп эсептелет. Кабыл алынган мыйзам […]
