Кечээ Улуттук адабият күнүнө карата Жазуучулар союзу “Алтын калем” сыйлыгына ээ болгон жети калемгерге сыйлыгын ыйгарды.
Калыстар тобу проза жанрында Абдиламит Матисаковду, поэзияда Молдоакмат Бапаковду, драма боюнча Кыял Тажиеваны, балдар адабияты боюнча Байтемир Асаналиевди, котормо жаатында Таштанбек Чакиевди, адабий сын боюнча Үмүт Култаеваны жана орус тилинде жазылган чыгармалар боюнча Тыныбек Мейманалиевди жеңүүчү деп тапкан.
“Алтын калем” улуттук сыйлыгы үчүн жалпы жүздөн кем эмес калемгер ат салышты.
Жеңүүчүлөргө диплом, атайын статуэтка жана 100 000 сомдон акча таратылды. Бирок, айрым калемгерлер Молдоакмат Бапановду плагиаттыкка айыптап, Казак Эл акыны Мухтар Шахановдун ырынан көчүрүп алган деп айтып чыгышты.
