Сооронбай Жээнбеков бийликте турганда президенттин аппаратынын жетекчисинин орун басары болгон Алмамбет Салиев УКМК тарабынан кармалды. Бул тууралуу Бишкектин Биринчи май райондук сотунан билдиришти.
Маалыматка ылайык, Алмамбет Салиевге КР Кылмыш-жаза кодексинин “Кызматтык абалынан кыянаттык менен пайдалануу” беренеси боюнча айып тагылууда.
Сот УКМКнын тергөөчүсүнүн камакка алуу түрүндөгү баш коргоо чарасын колдонуу өтүнүчүн канааттандырып, 2024-жылдын 4-ноябрына чейин тергөө абагында камоо чечимин чыгарды.
Аскар Акаев ЖКнын чечими боюнча комментарий бербейт
Жогорку Кеңеш экс-президенттин статусун калыбына келтирүү боюнча Аскар Акаевдин арызын карап, депутаттар экс-президент макамын кайтаруудан баш тарткан. Бул тууралуу комментарий берүүдөн Аскар Акаеев баш тарткандыгын Орусиянын ТАСС мамлекеттик агенттиги жазды. “Мен парламенттин иши жана чечими боюнча комментарий бербейм”, — деген ал. Белгилей кетсек, Жогорку Кеңеш 25-сентябрдагы жалпы жыйынында Аскар Акаевдин […]
