Кыргызстандык балбан Алмаз Сманбеков Казакстанда өтүп жаткан эркин күрөш боюнча Азия чемпионатынын финалына чыкты.
Сманбеков 57 салмакта мелдештин тандоо турунан баштап катышууда. Кыргыз балбаны пакистандык жана казакстандык спортчуларды жеңип, жарым финалга көтөрүлдү. Анда монголиялык Занабазар Занданбудга каршы килемге чыгып, аны 8:6 эсебинде утуп алды.
Белгилей кетсек, Азия чемпионаты 9-14-апрель күндөрү Астана шаарында өтүүдө.
