КР Министрлер Кабинетинин төрагасынын тескемесине ылайык, Алмаз Кулматов “Кыргыз Туусу” гезитинин башкы редактору болуп дайындалды. Бул тууралуу Маданият, маалымат, спорт жана жаштар саясаты министрлиги кабарлады.
Жаңы жетекчини жамаатка Маданият министринин орун басары Марат Тагаев расмий тааныштырып, анын кесипкөйлүгү менен тажрыйбасын белгилеген.
Алмаз Кулматов 1967-жылы төрөлгөн, Кыргыз мамлекеттик университетинин тарых факультетин бүтүргөн. Ал мамлекеттик түзүмдөрдө жана билим берүү тармагында чоң тажрыйбага ээ. Аткарган негизги кызмат орундары:
Президенттик Аппараттын этностук жана диний саясат бөлүмүнүн башчысы (2016–2017);
Вице-премьер-министрдин кеңешчиси (2015–2016);
Мамлекеттик тил боюнча улуттук комиссиянын төраганын орун басары (2014–2015);
Нарын шаарынын мэри (2008–2010).
Алмаз Кулматов 200дөн ашуун макалалардын жана илимий эмгектердин автору. Кыргыз Республикасынын Ардак грамотасы менен сыйланган (2019).
Бишкекте жаа атуу боюнча Кыргызстандын чемпионаты аяктады
Бишкекте жаа атуу боюнча Кыргызстандын чемпионаты өттү. Бул тууралуу Дене тарбия жана спорт департаментинен билдиришти. Маалыматка ылайык, мелдешке республиканын бардык аймактарынан келген спортчулар катышты. Жеңүүчүлөргө Спорттун олимпиадалык түрлөрү боюнча дирекциясы тарабынан тиешелүү даражадагы дипломдор жана медалдар тапшырылды. Төмөндө жеңүүчүлөрдүн тизмеси: Эркектер арасында: 1-орун Эмирбек Машев (Талас); 2-орун Улукбек Курсаналиев (Жалал-Абад); […]
