Бишкектин Ала-Тоо аянтын толук оңдоп-түзөөдөн өткөрүү пландалууда. Бул тууралуу «Бишкекбашкыархитектура» МИ коллегиялык жыйынында борбор калаанын башкы архитектору — ишкананын башчысы Урмат Карыбаев билдирди.
Анын айтымына караганда, борбордук аянтты маданий жана туристтик объектке айлантуу мерчемделүүдө.
«Павильондордо атайын фирмалык жана эксклюзивдүү бутиктер жайгашат», — деди Карыбаев.
Кыргызстанда ИДПнын көлөмү 155,5 млрд сомду түздү
Үстүбүздөгү жылдын январь-февраль айлары аралыгында өлкөдөгү ички дүң продукциянын (ИДП) өсүүсү камсыздалды. Бул тууралуу Бишкекте өткөн брифингде Улуттук статистика комитетинин төрагасынын орун басары Бакытбек Шокенов билдирди. Анын айтымына караганда, ИДП алдын-ала баалоо боюнча, январь-февралда өткөн жылдын ушул мезгилине салыштырмалуу 8,6% жогорулоо менен 155,5 млрд сомду түздү. ИДПнын өсүшү товар өндүрүү […]
