Бишкектеги Ала-Тоо аянтында жайгашкан “Айкөл Манас” эстелигинин постаментин реконструкциялоо иштери башталды. Бул тууралуу мэриядан билдиришти.
Маалыматка ылайык, реконструкциялоо иштеринин алкагында монументтин постаменти толугу менен жаңыланат жана жер төлөө бөлүгүнүн конструкциялары бекемделет.
“Оңдоо иштери бекитилген долбоорго жана техникалык талаптарга ылайык жүргүзүлөт. Бардык этаптар архитектуралык нормалардын негизинде ишке ашып, “Айкөл Манас” монументин улуттук мурас катары маданий маанисин сактоого өзгөчө көңүл бурулат”, – деп айтылат маалыматта.
Белгилей кетсек, Манастын эстелиги реконструкциялоо учурунда сактоого өткөрүп берилет.
Ысык-Көлдөгү «Евразияга» таандык жер тилкеси мамлекетке кайтарылды
Ысык-Көлдө “Отель Евразия” ЖЧКсына таандык жалпы аянты 20 гектардан ашуун, базар баасы 729 млн 682 миң сомдук жер тилкелери мамлекеттин балансына өткөрүлдү. Бул тууралуу Улуттук коопсуздук мамлекеттик комитетинен билдиришти. Атайын кызмат тарабынан Ысык-Көл облусунун Кара-Ой айылында жайгашкан “Бермет” мамлекеттик пансионатынын (азыркы “Отель Евразия” эс алуу борбору) жер тилкелерин мыйзамсыз жеке […]
