АКШ президентинин Вашингтондогу резиденциясына жакын жерде унаа айдап бараткан белгисиз адам кырсыкка учурады.
Окуя 9-январга караган түнү болгон. Автоунаа Ак үйдүн тосмосун сүзүп кеткенин АКШнын жашыруун кызматынын өкүлү Энтони Гуглиелми социалдык медиада билдирди. Анын айтымында, милиция кызматкерлери айдоочуну кармашкан. Унаадан конверт табылган. Ал атайын кызматтар тарабынан текшерилип жатат. Кырсыктын кесепетинен жабыркагандар тууралуу маалымат жок. Америкалык лидер Жо Байден ал учурда резиденцияда болгон эмес.
Соңку кабар