Быйыл республиканын жалпы билим берүү уюмдарында “Акыркы коңгуроо” салтанаты 25-майда саат 9да өтөт. Бул тууралуу билим берүү жана илим министрлиги билдирди.
Маалыматка ылайык, республиканын менчигинин түрүнө карабастан жалпы билим берүү уюмдарынын директорлоруна салтанаттуу иш-чараларды өткөрүүгө ар кандай каражаттарды чогултууга, ошондой эле бүтүрүүчүлөргө жана алардын ата-энелерине “Акыркы коңгуроо” салтанатынан сырткары иш-чараларды уюштурууга тыюу салынат.
“Акыркы коңгуроо” салтанаттуу иш-чарасын өткөрүүдөгү коопсуздук чараларын камсыз кылуу жоопкерчилиги билим берүү уюмдарынын жетекчилерине жүктөлөт.
Бишкек, Ош шаардык билим берүү башкармалыктарынын жана райондук, шаардык билим берүү бөлүмдөрүнүн жетекчилери төмөндөгүлөрдү аткарууга тийиш:
райондук жана шаардык билим берүү бөлүмдөрүнүн жооптуу кызматкерлери тарабынан күнү-түнү күзөт уюштуруу;
билим берүү уюмдарынын аймагынан тышкары өткөрүлгөн салтанаттуу иш- чараларда окуучулардын өмүрүнүн коопсуздугуна ата-энелер жооптуу экени тууралуу чогулуштарды өткөрүү.
«Эскертүү! Буйрукту аткарбаган билим берүү уюмдарынын жетекчилерине кызмат орундарынан бошотууга чейинки тартиптик чаралар көрүлөт», — деп кошумчаланды маалыматта.
Сокулукта жер мафиясы 300 гектар жерди ээлеп алышкан
Сокулук районунда кармалган жер мафиясынын башчысынын 300 гектар жер тилкеси бар экенин депутат Сүйүн Өмүрзаков билдирди. “Анын 200 гектары Рухий мураста, 100 гектары Военно – Антоновка айыл аймагында экен. Негизинен алганда кылмыштуулук Чүй облусу жана Бишкек шаарында көп катталып жатат”,- деди депутат. Бөлүшүү:
