“Акылдуу шаар” долбоорунун негизинде жайгаштырылган камералар өтө начар. Алар унааларды айырмалай албайт”,- деп билдирди депутат Кундуз Сулайманов парламенттин бүгүнкү жыйында.
Ал “Акылдуу шаар” долбоорун ишке ашырган фирманы чакырып, эмне үчүн сапатсыз камераларды жайгаштырганын сураш керек экенин айтты. Ал эми депутат Сүйүн Өмүрзаков болсо, “тез жардам унааларын айдагандардын өзү күнөөлүү. Алар 10 күндүн ичинде тийиштүү мекемеге кайрылбай жатышат. Эгер убагында мунаажат кылышса, жазалары төлөтүлбөйт. Биз бул маселени мурда да караганбыз”,- деди.
Сооронбай Жээнбековдун кол тийбестигин алуу боюнча комиссия түзүлөт
Мындай демилгени “Эл үчүн” фракциясынын лидери Акылбек Түмөнбаев көтөрдү. “Ага көп себептер бар. Мисалы, 2019-жылы Ковид-19 пандемиясында бизге сырткы өлкөлөрдөн 600 млн доллар каражат келген. Аны ооругандарга жумшабай натыйжада, көп жарандарыбыздан айрылдык. ТЭЦти реконструкциялоо учурунда чоң кызматтарда отурган. Президент болуп отуруп, Раим Матраимовдун мафиясынын өнүгүшүнө шарт түзгөн. Оң колу делген […]
