Бейшемби күнү АКШнын Каржы министрлиги санкцияланган товарлардын Россияга жеткирилишине байланыштуу кыргызстандык RM Design and Development, “ГТМЕ Технологии”, “Прогресс лидер” жана “Карголайн”компанияларына санкция жарыялады.
“Россия Украинага атайын операция баштагандан бери Кыргызстанда жайгашкан компаниялар мезгил-мезгили менен Россияга электрондук тетиктерди жана башка технологияларды экспорттоп турушат”,-деп белгилейт АКШнын Каржы министрлиги.
18-июлда “The Washington Post” гезити АКШ президенти Жо Байдендин администрациясынын Россияга санкцияланган товарлардын жеткирилишине жол бербөө үчүн Кыргызстанга каршы экономикалык чараларды көрүү планы тууралуу жазган.
