АКШнын президенти Жо Байден БУУнун Коопсуздук кеңешинин структурасын өзгөртүүнү сунуштайт. Ал беш-алты өлкөнү кошууну каалайт. Бул тууралуу Ак сарайдын стратегиялык коммуникациялар боюнча координатору Жон Кирби билдирди.
“Биз Коопсуздук кеңешинин түзүмү маселесин көтөрүүгө убакыт келди деп эсептей турганыбызды ачык айттык”,-деди Кирби.
Бул сунуш БУУнун Башкы ассамблеясынын сессиясында жарыяланышы пландалууда. Байден БУУнун Коопсуздук Кеңешине Индия, Бразилия, Германия, Япония жана Түштүк Африканы кошкондо беш-алты жаңы туруктуу мүчө киргизүүнү талап кылууда.
Учурда БУУнун Коопсуздук Кеңешинин туруктуу мүчөлөрү болуп Россия, Улуу Британия, Кытай, АКШ жана Франция саналат. Алардын гана вето укугу бар.
Садыр Жапаров БУУнун саммитинде сөз сүйлөдү
«БУУнун Туруктуу өнүгүү максаттары өлкөнүн мамлекеттик саясатынын негизи болуп саналат жана Кыргызстанды өнүктүрүүнүн узак мөөнөттүү улуттук стратегиясына киргизилген», – деп президент Садыр Жапаров бүгүн, 18-сентябрда, БУУнун Башкы Ассамблеясынын 78-сессиясынын Туруктуу өнүгүү максаттары (ТӨМ) боюнча Саммитинде сүйлөп жатып, белгиледи. Мамлекет башчысы өз сөзүндө “Күн тартиби-2030” – бүгүнкү жана келечек муундар үчүн […]
