Журналист Али Токтакунов “Коррупцияга каршы күрөштүн” чемпиону болду. Ага сыйлыкты АКШнын мамлекеттик катчысы Антони Блинкен тапшырды.
Мамлекеттик катчы кыргыз журналистине сыйлык тапшырып жатып, “Али Токтакунов көз-карандысыз “Медиа Хабтын” жетекчиси. Аталган медиа коррупцияны ачыктап, жаштар арасында сабаттуулукту жогорулатуу максатында семинарларды өткөзүп турат”,- деген. Американын мамлекеттик департаменти дүйнө жүзүндөгү коррупцияны ооздуктоодо кайратмандык көрсөтүп, аны ачыкка чыгарууда талбай эмгектенген жана жыйынтык көрсөткөн 11 адамды сыйлады.
Бул сыйлык 2021-жылда негизделип, 2 жыл аралыгында 32 адам сыйлыкка татыктуу болгон.
