Кыргызстандын футбол боюнча улуттук курама командасы машыгуу үчүн Жалал-Абад шаарына келди. Бул тууралуу шаардык мэриядан кабарлашты.
Маалыматка ылайык, футболчуларды “Жалал-Абад” аэропортунан шаар мэри Эрнисбек Ормоков, Жалал-Абад шаардык кеңшинин төрагасы Нуртилек Орозбаев, спортчулар жана футболчулардын күйөрмандары тосуп алды.
Улуттук курама команда Жалал-Абаддагы “Барселона” академиясында машыгуу өткөрөт. Машыгуу 4-июнга чейин уланат.
Белгилей кетсек, футбол боюнча улуттук курама команда, Дүйнө чемпиондугуна жана Азия Кубогуна тандоо оюндарынын алкагында июнь айында Малазия жана Оман менен беттеш өткөрөт.
