Кечээ Жаза аткаруу боюнча мамлекеттик кызматы камакта отурган Мелис Аспековдун тарткан видеосуна байланыштуу билдирүү жарыялады. Анда мындай деп айтылат:
“Активист Тилекмат Куренов социалдык түйүндөргө жарыялап жаткан Мелис Аспековдун видео кайрылуусу ал өзү айтып жаткандай Жаза аткаруу кызматынын №21 мекемесинде тартылган эмес. Бул видео жаза аткаруу мекемесинен тыш жерде, болжол менен 2022-жылы тартылган. Азыркы кезде Мелис Аспеков №3 түзөтүү колониясында кармалууда”.
Мелис Аспеков видео кайрылуусунда 2020-жылдагы Октябрь окуяларында Раимбек Матраимовдон 3 млн долларды Садыр Жапаровдун тапшырмасынын негизинде алып, митингге катышкан тарапташтарына жумшалганын, анын 1,5 млн долларын жеке өзүнө жеткирип бергенин айткан. Ошондой эле 2023-2024-жылдардагы окуяларга, тактап айтканда, Камчыбек Көлбаевдин өлүмү менен Райымбек Матраимовдун кармалышына чейин кеп курган.
Бирок, активист айтылган сөздөрүнүн бирөөнө да далил көрсөтө алган эмес.
Харрис шайлоого аз калганда элге кайрылды
АКШнын вице-президенти жана президенттикке талапкер Камала Харрис Вашингтондо көп миңдеген адамдардын алдында шайлоого бир жума калганда акыркы чоң кайрылуусу менен чыкты. «Бир жума ичинде сизде өзүңүздүн, үй-бүлөңүздүн жана биз сүйгөн бул өлкөнүн келечегине түздөн-түз таасир этүүчү чечим кабыл алуу мүмкүнчүлүгү болот. Бул эки партия жана эки башка талапкердин тандоосу гана […]
