Акжол Махмудов Болгариядагы Dan Kolov-Nikola Petrov рейтингдик эл аралык мелдеште алтын медаль утту.
Махмудов грек-рим күрөшү боюнча 77 кг салмакта мелдештин 1/16 финалынан баштап катышты. Ал чет өлкөлүк төрт балбанды жеңип финалга чыкты. Финалда армениялык спортчуну 1:1 (ред.: акыркы упайды алган балбан жеңет) эсебинде утуп, алтын медаль багындырды.
Эскерте кетсек, буга чейин Жоламан Шаршенбеков (60 кг) дагы мелдештин алтын байгесин багындырган.
Спорттук иш-чара 2-5-март күндөрү София шаарында өтүүдө.
