Бүгүн, 19-сентябрда Жогорку Кеңештин жалпы жыйынында депутат Акбөкөн Таштанбеков өлкөдөгү кадр маселесине кайрылып, районго дайындалган акимдердин 1 жыл ичинде алмашып жатканын сындады.
Эл өкүлү “Акимдер алмаша берип, райондо жумуштар бүтпөй жатат. Анткени, кийинки келгени мурдагы акимдин баштап кеткен иши менен тааныштыгы жок же, аны уланткысы келбейт. Анын үстүнө 10-класс билими барларды директор кылып дайындап жатышат. Маселен, акимиятта аппарат жетекчиси аял болгон үчүн аким аны “сен аялсың мага эркек аппарат жетекчи керек деп иштен кетирип жатыптыр”,- деп билдирди.
Ал башкы прокуратурага да кайрылып, округундагы кээ бир мыйзамсыз иш аракеттер боюнча чара көрүүнү суранды.
Депутат Мүлктү башкаруу комитетине нааразы
Бүгүн, 19-сентябрда Жогорку Кеңештин жалпы жыйынында депутат Асланбек Малиев президентке кайрылууга мажбур болуп жатканын айтып, быйылкы жылдын планына 100 имарат киргизишкенин, бирок, анын бирөө да ишке ашпай калганына кейиди. Ал учурда айрым мектептерде кооптуу абал жаралганын белгиледи. Ошондой эле, мамлекеттик мүлктү башкаруу боюнча комитеттин жетекчисине нааразычылыгын билдирди. Аны кызматтан алып, […]
