Бишкекте 7-12-декабрь күндөрү “Айтматов жана театр” VI эл аралык театр фестивалы өтөт. Бул тууралуу Маданият, маалымат, спорт жана жаштар саясаты министрлиги билдирет.
Маалыматка ылайык, иш-чара залкар жазуучу Чыңгыз Айтматовдун 95 жылдык мааракесине карата өткөрүлүүдө. Ага Кыргызстан, Өзбекстан, Казакстан, Түркмөнстан, Россия, Азербайжан өлкөлөрүнүн театрлары келишет. Алар Айтматовдун чыгармаларынын негизинде коюлган спектаклдерди коюшат.
Фестивалдын расмий ачылышы 7-декабрда Токтоболот Абдумомунов атындагы Кыргыз драмда театрында өтөт. Башталышы саат 15:30.