Айсулуу Тыныбекова 2024-жылдын жыйынтыгы менен кыз-келиндер арасында Азиянын мыкты балбаны деп табылды. Бул тууралуу Азия күрөш федерациясы UWW Asia рейтингинде белгилүү болду.
31 жаштагы спортчу Олимпиада оюндарына төрт жолу катышып, Токио Олимпиадасында күмүш утса, былтыр Парижде өткөн Олимпиада оюндарында коло медаль алган. 2012-жылы Лондон Олимпидасында 13-орунду, Рио-де-Жанейро Олимпиадасында 5-орунду ээлеген.
Тыныбекова кыз-келиндер күрөшү боюнча дүйнөнүн үч жолку, Азиянын алты жолку чемпиону. Эл аралык ондогон мелдештерде байгелүү орундарды жеңген. Күрөш дүйнөсү уюму (UWW) аны кыз-келиндер күрөшү боюнча 2023-жылдын мыкты балбаны деп тапкан.
Токмокто ден соолукту чыңдоо борбору мамлекетке кайтарылды
Токмок шаарында 1995-жылы мыйзамсыз менчиктештирилген дарылоо- ден соолукту чыңдоо борбору мамлекеттин балансына кайтарылды. Бул тууралуу Улуттук коопсуздук мамлекеттик комитети билдирди. Маалыматка караганда, аталган борбор Мамлекеттик мүлк фонду менен макулдашпастан жеке менчикке толук түрдө берилгени аныкталды. Ошону менен бирге, Өкмөттүн 1995-жылдын 9-октябрындагы № 421 токтому менен бекитилген «Кыргыз Республикасынын социалдык инфраструктурасынын […]
