Балбан кыз Айпери Медет кызы Professional Wrestling League-8 (PWL-8) мелдешине катышат. Бул тууралуу уюштуруучулар билдирди.
Мелдеш 25-февралда Алматыда өтөт. Айпери Медет кызы ал турнирде казакстандык балбан кыз Жамиля Бакбергенова менен күрөшөт. Алар 76 кг салмакта күч сынашат.
Айпери Медет кызы буга чейин дүйнө чемпионатында күмүш жана коло байге уткан. Азия оюндарынын жеңүүчүсү, коло байге ээси болгон. Азиянын эки жолку чемпиону, үч ирет күмүш тагынган.
Эске салсак, Professional Wrestling League уюму 2022-жылы Россияда Poddubny Wrestling League деген ат менен түзүлгөн. Былтыр атын өзгөрткөн. Бул мелдеште балбандар бир беттеш өткөрүп, жеңүүчү аныкталат.
Бул уюм түзүлгөндөн бери 7 жолу мелдеш уюштурулуп, алардын бири Бишкекте өткөн.
30-январдын аба ырайы: Көпчүлүк аймактарда кар жаайт
Кыргызгидромет борбору билдиргендей, 30-январда түнкүсүн жана күндүз көпчүлүк аймактарда, Баткен облусунун айрым жерлеринде кар жаашы күтүлөт. Жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге жетет. Абанын температурасы: Чүй өрөөнүндө түнкүсүн -3…-8, күндүз -3…+2; Талас өрөөнүндө түнкүсүн -5…-10, күндүз -4…+1; Ош, Баткен, Жалал-Абад […]
