Жогорку Кеңештин депутаты Айбек Осмонов бүгүн, 6-апрелдеги пленардык жыйында 3 маселе козгоп, министрлер кабинетине протоколдук тапшырма берди.
- Бишкек шаарынын Свердлов районундагы Чоң Чүй каналына 25 млн сом бөлүнгөн. Өткөн жума каналды бетондоо боюнча иш башталып, бирок, ал эртеси күнү эле токтоп калган.
- Ош шаарындагы Озгур айылында жер чырынан улам Ош шаарынын вице- мэри менен кеңешчиси кызматтан кетти. 2016-жылы бир шылуун Озгурдан 87 гектар жерди алып алыптыр. Гипроземдин негизинде берилген деп жатат, муну укук коргоо органдары текшерип, чара көрүшү керек.
- Ош шаарындагы таза суу маселеси. Кабмин бул маселени көңүл артында калтырбашы керек.
Эл өкүлүнүн көтөргөн 3 маселеси бүгүнкү күндүн олуттуу проблемасы. Коомчулук да, көз салып турганы анык.
