Экс-депутат Айбек Осмоновдон бошогон №7 Ош бир мандаттуу шайлоо округунан депутаттык жарышка мурдагы депутат Азамат Арапбаевдин катышаары айтылууда. Аны менен кошо шаардык Кеңештин кээ бир депутаттары да бар. Өлкөнүн эң бай делген адамы Азамат Арапбаев “Ата-Журт”, КСДП партияларынан 2008-2010 жана 2015-жылдары Жогорку Кеңештин депутаты болгон. Шайлоодо жеңип келээрине ишеним менен каралып жатат.
№ 7 Ош бир мандаттуу шайлоо округу боюнча Жогорку Кеңештин депутатын мөөнөтүнөн мурда шайлоону 28-апрелде өткөрүү тууралуу жарлыкка президент Садыр Жапаров кол койгон.
Мелис Мырзакматов АКШга барды
Саясатчынын эмне максатта барганы азырынча белгисиз. Бирок, анын ишкерлер чөйрөсү менен жолугушууларды өткөзгөнүн өздүк булактарыбызга билдиришти. Мелис Мырзакматовдун азыркы бийликтен ыдык көргөнү, Кара-Суудагы Оомат базарынын тегерегинде маселе жаралганы каңкууланып келет. Расмий эмес маалыматтарда анын №9 Кара-Суу бир мандаттуу шайлоо округунан депутаттыкка аттанып жатканы айтылууда. Бөлүшүү:
