Кыргызстандын бокс боюнча улуттук курама командасы Азия чемпионатынан кайтып келди. Бул тууралуу Дене тарбия жана спорт департаментинен билдиришти.
Маалыматка ылайык, спортчуларды “Манас” эл аралык аэропортунан Спорттун олимпиадалык түрлөрү боюнча дирекциясынын директору Мелис Тобокелов жана спортчулардын жакындары тосуп алды.
Белгилей кетсек, бокс боюнча улуттук курама команданын мүчөлөрү Таиланддын Чиангмай шаарында өткөн Азия чемпионатында 2 коло медаль жеңген.
60 кг чейинки салмакта Рыспек Бектенов жана 63.5 кг чейинки салмак категориясында Мирзохид Имамназаров 3-орунду ээлешти.
Азия чемпионатына 21 өлкөдөн 210 мушкер катышып, эркектер арасында 13 жана кыз-келиндер арасында 12 медалдар топтому ойнотулду.
Кыргызстандын курама командасы башкы машыктыруучу Данияр Төлөгөн уулу жана улук машыктыруучу Акыйкат Абаевдин жетекчилиги алдында мелдешке катышты.
Жогорку Кеңешке жаңы депутат келди
“Ата-Жур Кыргызстан” партиясынын депутаты Чынберди Төлөнов мандатын тапшырды. Ал 2023-жылдын 23-ноябрында ант берип, мурдагы депутат Фархад Исмаиловдун ордуна келген эле. Кечээ, 16-декабрда Чынберди Төлөновдон бошогон орунга Жайлообай Нышановдун мандат алганын Борбордук шайлоо комиссиясы маалымдады. Ал 2020-жылдагы парламенттик шайлоодо “Мекенчил” партиясы менен парламенттик шайлоого аттанганы жана 2017-жылкы президенттик шайлоодо Камчыбек Ташиевдин […]
