Кыргызстандын грек-рим күрөшү боюнча улуттук курама командасынын мүчөлөрү Акжол Махмудов жана Жоламан Шаршенбеков Кытайда өтүп жаткан Азия оюндарынын финалына чыкты.
Махмудов буга чейин камбоджиялык, казакстандык спортчуларды жеңди, ал эми Шаршенбеков тажикстандык, кореялык жана өзбекстандык балбандарды артта калтырды.
Финалдык беттеште Махмудов ирандык Амин Кавиянинежад менен беттешсе, Шаршенбеков япониялык Аята Сузуки менен кез келет. Финалдык беттештер бүгүн саат 15:00дө орун алат.
