Эртең, 21-январда 2023-жылкы футбол боюнча Азия Кубогунун «F» тайпасында “Кыргызстан – Сауд Аравия” курама командасы менен беттеши болот. Бул тууралуу Кыргыз футбол союзунун басма сөз кызматынан билдиришти.
Маалыматка ылайык, Кыргызстандын футбол боюнча улуттук курама командасынын Азия Кубогундагы экинчи беттеши Катардагы «Ахмат бин Али» стадионунда өтөт.
Оюн Бишкек убактысы боюнча саат 20:30да старт алат.
Эске салсак, Кыргызстандын футбол боюнча улуттук курама командасы 16-январда Тайланд курамасына каршы Азия кубогундагы алгачкы беттешин өткөрүп, 0:2 эсебинде жеңилип калган.
Азия Кубогу үстүбүздөгү жылдын 12-январынан 10-февралына чейинки аралыкта Катардагы 9 стадионунда өтөт.
