Президент Садыр Жапаров кол койгон жарлыкка ылайык, КР Конституциясынын 70-беренесинин 1-бөлүгүнүн 2-пунктуна, 71-беренесине ылайык Касымалиев Адылбек Алешович мурда ээлеген кызмат ордунан бошотулуп, министрлер кабинетинин төрагасы – президенттин администрациясынын жетекчисинин милдеттерин аткаруучу болуп дайындалды.
Министрлер кабинетинин төрагасы – президенттин администрациясынын жетекчисинин кызмат ордуна дайындоо үчүн Адылбек Касымалиевдин талапкерлиги Жогорку Кеңешке макулдашуу үчүн киргизилет.
Акылбек Жапаров министрлер кабинетинин төрагасы кызматынан кетти. Президент кол койду
Президент Садыр Жапаров кол койгон жарлыкка ылайык, КР Конституциясынын 70-беренесинин 1-бөлүгүнүн 4-пунктуна, 71-беренесине ылайык министрлер кабинетинин төрагасы – президенттин администрациясынын жетекчиси Жапаров Акылбек Усенбекович башка ишке өткөндүгүнө байланыштуу ээлеген кызмат ордунан бошотулду. Эске сала кетсек, Акылбек Жапаров 2021-жылдын октябрынан бери министрлер кабинетин жетектеп келген. Бөлүшүү:
